Sputnik Кыргызстан — негизги жаңылыктар

@sputnik_kyrgyzstan_kg

Kanal geosi va tili: Qirg‘iziston, Ruscha

Toifa: Yangiliklar va OAV

Ыкчам жана актуалдуу жаңылыктар.
https://www.sputnik.kg
Комментарий калтыруу эрежелери: https://clck.ru/SsTod

Связанные каналы | Похожие каналы

Kanal geosi va tili

Qirg‘iziston, Ruscha

Toifa

Yangiliklar va OAV

Statistika

Saralanganlar

Postlar filtri

O‘chirilganlarni yashirish

Repostlarni yashirish

Sputnik Кыргызстан — негизги жаңылыктар

24 May, 06:43

03:07

Video oldindan ko‘rish uchun mavjud emas

Telegram'da ko‘rish

Таласта милиционерлер каналга агып кеткен 3 кызды куткарып калышты

Окуя 21-майда Кырк-Казык айылында болгон. Талас ОИИБинин кызматкерлери Эркин Койкумбаев менен Руслан Акматов жана жергиликтүү тургун Бактыгул Жаныбеков кыздарды байкап калып каналга секирип, аларды куткарып калышкан.

Президенттин аймактагы өкүлү куткаруучуларга ыраазычылыгын билдирип, Ардак грамоталарды тапшырды.

@Sputnik_Kyrgyzstan_KG

398 0 0 14

Sputnik Кыргызстан — негизги жаңылыктар

24 May, 06:16

Ооруканалардын жетекчилерине жеке клиникаларда иштөөгө уруксат берүү сунушталды. Бирок бул ирет кеп аймактардагы дарыгерлер тууралуу болууда.

Депутат Бактыбек Чойбеков оорукана жетекчилери менен бөлүм башчыларына салынган тыюуну Бишкек менен Ош шаарларында калтырып, облустагыларга жеке клиникаларда иштөөгө уруксат берүүнү демилгеледи.

Коомдук талкууга коюлган мыйзам долбоорунун негиздемесинде мындай тыюу аймактардагы кадр жетишсиздигине жана айрым бөлүмдөрдүн жабылышына кептегени айтылды.

@Sputnik_Kyrgyzstan_KG

404 0 0 8

Sputnik Кыргызстан — негизги жаңылыктар

24 May, 03:57

Кутман таң, замандаш! Жакшы эс алып турдуңузбу?

Бүгүн өлкөнүн айрым жерлеринде жамгыр жаап, күн күркүрөйт.

Абанын температурасы Чүй аймагында 24…29, Таласта 28…30 Ош, Жалал-Абад жана Баткен облустарында 26…31, Ысык-Көл өрөөнүндө 19...24 менен Нарын жеринде 21…26 градус жылуу болушу күтүлөт.

Бишкекте күндүн табы 26…28, Ош шаарында 28…30 градус болот.

Сүрөт: @tynchtykmr
@Sputnik_Kyrgyzstan_KG

666 0 0 9

Sputnik Кыргызстан — негизги жаңылыктар

23 May, 19:49

Россия менен Украина Стамбулда макулдашкан боюнча туткундарды массалык алмашууну баштады

Мурун айтылгандай процесс бир нече этап менен өтөт. Биринчи "1000ге 1000" этабынын алкагында 390дон туткун алмашты.

"Россиялык 270 аскер жана 120 жай тургун, анын ичинде Украинанын Куралдуу күчтөрү тарабынан туткунга алынган Курск облусунун жашоочулары Россияга кайтышты. Ошондой эле Киевге дагы 270 аскери менен 120 жай тургуну кайтарылып берилди", — деп билдирди РФтин Коргоо министрлиги.

Россия демилгелеген ири алмашуу процесси жакын арада уланары айтылды.

@Sputnik_Kyrgyzstan_KG

1.2k 0 1 10

Sputnik Кыргызстан — негизги жаңылыктар

23 May, 18:16

02:25

Садыр Жапаров Караколдогу реконструкциядан өткөн борбордук стадионду ачты

Өлкө башчы алгач стадиондун тарыхына токтолуп, ал 1974-жылдан бери оңдолбой келгенин белгиледи.

Азыр борбордук стадион 3380 көрүүчүгө ылайыкталган, бардык эл аралык стандарттарга жооп берет. Административдик жайлар, медиа зоналар, медициналык, калыстар, допинг көзөмөл бөлмөлөрүн жана башка техникалык бөлмөлөрдүн баары жаңыланганы айтылды. 200дөн ашык унаа токтотуучу жайы дагы каралган.

"Стадионго чоң ЛЭД экран жана биринчи жолу стационардык ВАР системасы коюлду", — деп белгиледи президент.

Ал ошондой эле быйыл дагы 15 стадиондо, анын ичинде Баткен, Нарын, Талас жана Токмок шаарларындагы ири стадиондорду калыбына келтирүү иштери башталганын кошумчалады.

"Стадион бүгүнкү күндө футбол боюнча Кыргызстандын премьер-лигасында Каракол шаарын татыктуу көрсөтүп жаткан “Барс” футбол клубунун жаңы үйү болот. Мындай стадион менен жаңы ийгиликтер жаралып, күйөрмандардын саны дагы өсөт деп ишенем", — деди Жапаров.

@Sputnik_Kyrgyzstan_KG

1.7k 0 1 40

Sputnik Кыргызстан — негизги жаңылыктар

23 May, 14:59

Бишкектеги көп кабаттуу үйгө кондиционер коюп жаткан киши 7-кабаттап кулап кетип каза болду

Маалыматты Ленин РИИБинен тастыкташты. Кырсык Бакаев көчөсүндөгү 12 кабаттуу үйдө болгон. 34 жаштагы маркумдун атасы менен жубайы милицияга бул кырсык экенин айтып, эч кимге доосу жоктугун билдирген.

@Sputnik_Kyrgyzstan_KG

1.6k 0 0 24

Sputnik Кыргызстан — негизги жаңылыктар

23 May, 13:33

Энергетикалык суусундуктарды жарнамалагандар айыпка жыгылсын

Депутат Алишер Козуев мындай демилгени көтөрүп, мыйзам долбоорун коомдук талкууга койду.

Ал энергетикалык суусундуктарды жарнама кылган жеке жактарды 15 миң, юридикалык жактарды 35 миң сомго айыпка жыгууну сунуштап жатат.

Долбоордун максаты — кант диабети жана жүрөк ооруларына алып келчү суусундуктардан элдин, өзгөчө жаштардын ден соолугун коргоо.

@Sputnik_Kyrgyzstan_KG

1.7k 0 0 52

Sputnik Кыргызстан — негизги жаңылыктар

23 May, 12:41

Депутаттар облустук жетекчиликтерди жоюп салууну сунуштоодо

Эл өкүлдөрү бүгүн “Ата-Журт Кыргызстан” фракциясынын жыйынында административдик-аймактык реформанын жыйынтыктарын угушту. Анда Камила Талиева өлкөдө кайталоочу органдар көп экенине токтотулуп, губернаторлордун кереги жоктугун айтты.

“Райондук акимдер жетиштүү. Алар бири-биринин функцияларын кайталайт. Ошол жактан кыскартпайсыңарбы”, — деди депутат.

Надира Нарматова кесиптешин колдоп, губернаторлор ишти жайлатарын айтты.

“Бардык жумушту айыл өкмөттөрүнүн башчылары, акимдер жана шаар мэрлери аткарат. Алар күчтүү болсо, өлкө тез өнүгөт”, — деди Нарматова.

@Sputnik_Kyrgyzstan_KG

1.6k 0 2 46

Sputnik Кыргызстан — негизги жаңылыктар

23 May, 11:40

01:13

Video oldindan ko‘rish uchun mavjud emas

Telegram'da ko‘rish

РКӨФ Ысык-Көл облусуна алма, карагат, алчанын көчөттөрүн отургузууга 200 миң доллар бөлдү

Айыл чарба долбоору коммерциялык банктардын бири менен чогуу ишке ашырылууда. Көчөттөр болжол менен 50 гектар аянтка отургузулуп, түшүмдүүлүгү жогору болот деп күтүлүп жатат. Маселен, бир түптөн 3-8 кг карагат, бир гектардан 25 тоннага чейин алча, 50 тоннага чейин алма алуу пландары бар.

Жер-жемиш ички рынокко да сатылып, экспортко да чыгары кошумчаланды.

@Sputnik_Kyrgyzstan_KG

1.8k 0 0 22

Sputnik Кыргызстан — негизги жаңылыктар

23 May, 11:09

Ошто чатырына тик учак коно турчу жети кабаттуу медициналык клиника да салынууда

Имарат Ош мамлекеттик университетине караштуу болуп, аянты 20 миң чарчы метрди түзөт. Жалпысынан 312 орунга ылайыкташат.

"Оорукана ишке берилсе студенттерди окутуп, жогорку квалификациялуу дарыгерлерди даярдайт. Ошондой эле бейтаптарга медициналык кызмат көрсөтмөкчү", — деди минкаб маалымат кызматы.

@Sputnik_Kyrgyzstan_KG

1.6k 0 4 43

Sputnik Кыргызстан — негизги жаңылыктар

23 May, 10:40

Бул — Оштогу жаңы борбордук базар. Анын курулуш иштери менен минкаб төрагасы таанышып чыкты

6,7 гектар жерге салынып жаткан бул базарда 2 400 орундуу соода жайы болот. 550 млн сомго курулган борбордук соода комплекси быйыл ишке берилет.

Мындан тышкары, Адылбек Касымалиев реконструкцияланып жаткан "Жапалак" автоунаа базарына, Ош мамлекеттик университетинин жаңы салынып жаткан медициналык клиникасына да барган.

@Sputnik_Kyrgyzstan_KG

1.6k 0 1 19

Sputnik Кыргызстан — негизги жаңылыктар

23 May, 10:25

Минкаб иш берүүчүлөр эмгек акыны накталай төлөй турган шарттардын тизмесин бекитти

Токтом 10 күндөн кийин күчүнө кирет.

Эмгек акыны кайсы учурда накталай берет:

▪️иштеген жеринде банк инфраструктурасы жок болсо

▪️сезондук талаа иштеринде

▪️уюмдун эсептери арестте болсо

▪️турак жай кооперативдеринин кызматкерлерине төлөмдөр (норма 2026-жылдын 1-январына чейин колдонулат)

▪️айыл чарба кооперативдеринин кызматкерлерине акы төлөөдө

Айлыктарды банктык карталарга гана которуу нормасы 2024-жылдын октябрында күчүнө кирген.

@Sputnik_Kyrgyzstan_KG

1.5k 0 0 11

Sputnik Кыргызстан — негизги жаңылыктар

23 May, 09:56

1-июнда Бишкектеги "Ала-Тоо" аянтында Балдарды коргоо күнүнө карата оюн-зоок өтөт

Мэрия иш-чара саат 10:00дөн 22:00гө чейин болорун маалымдады. Аянтта аквагрим, сүрөт тартуу, флешмоб, кызыктуу сынактар жана спорттук мелдештер уюштурулат. Саат 19:00дө балдарга арналган майрамдык дискотека болот.

@Sputnik_Kyrgyzstan_KG

1.5k 0 2 14

Sputnik Кыргызстан — негизги жаңылыктар

23 May, 09:35

☑️ Миграциялык агымды көзөмөлдөө менен эмгек мигранттарынын укуктарын камсыздоонун ортосунда баланс болушу керек. Бул тууралуу ЕЭК министри билдирди.

Бахыт Султанов бул жаатты жөнгө салууга багытталган бардык мыйзам демилгелери ЕАЭБ жөнүндөгү келишимдин талаптарына каршы келбеши керектигин белгиледи.

@Sputnik_Kyrgyzstan_KG

1.5k 0 0 9

Sputnik Кыргызстан — негизги жаңылыктар

23 May, 09:15

00:53

УКМК Ош шаарынын казысы эмне үчүн кармалганын билдирди

Атайын кызматка казыяттын кызматкерлери мечит, медреселерден системалуу түрдө акча чогултуп келгени тууралуу арыз түшкөн. Анын негизинде кылмыш иши козголуп, 4 кызматкердин иш бөлмөлөрү тинтүүгө алынган.

Акча чогултуу фактылары аныкталып, Т.М.Б жана М.Ж.М аттуу эки адам убактылуу кармоочу жайга киргизилгени айтылды.

@Sputnik_Kyrgyzstan_KG

1.7k 0 7 38

Sputnik Кыргызстан — негизги жаңылыктар

23 May, 08:55

Муниципалдык унаа токтотуучу жайга акы төлөбөгөндөр эми айыпка жыгылат

Эгер айдоочу акча төлөөдөн качса, ага 1000 сом айып пул жазылат. Юридикалык жактар 5000 сом төлөп калат.

Президент кол койгон мыйзам 10 күндөн кийин күчүнө кирет.

@Sputnik_Kyrgyzstan_KG

1.5k 0 0 14

Sputnik Кыргызстан — негизги жаңылыктар

23 May, 08:44

Россиялык журналисттер Кыргызстан тууралуу программа тартышты

Ал "Ключ" федералдык каналынын "Большой сюрприз" деп аталган программасы. Тартуу тобу Буранага жана Чуңкурчакка барып, боз үйдө түнөшкөн.

Мындан тышкары, алардын маршрутунда Эркиндик проспектиси, "Ала-Тоо" аянты, "Ош" базары жана белгилүү кафелердин бири жазылган.

@Sputnik_Kyrgyzstan_KG

1.7k 0 1 17

Sputnik Кыргызстан — негизги жаңылыктар

23 May, 08:20

Америкалык отставкадагы полковник Украинанын Куралдуу күчтөрүндөгү кырдаал украин армиясынын чекесинен кыйрап бара жатканын көрсөтүп жатканын айтты

"Командалык бөлүктөрдүн отставкасы — көйгөйдүн чекеси эле. Отряддар согушуп жаткан жерден кетип калып жаткандыктан көйгөйлөр алиге чейин турат. Көчөдөн кайра кармап кетпестир деген үмүт менен качып чыгышууда", — деген Дэниел Дэвис өзүнүн YouTube каналында.

Эксперттин айтымында, Украина азыр согуш талаасында же сүйлөшүүлөрдө өзүнүн талаптарын айтып, шарттарын кое турган абалда эмес. Ал европалык аткаминерлер курулай күнөө тагып, Владимир Путинди өздөрүнүн шарттарына моюн сундуруп алабыз деп жаңылып жатышканын белгилеген.

"Украина армиясы чачырап жатат. Анын талкаланары ар бир адамга сезилип турат", — деп жыйынтык чыгарган Дэвис.

@Sputnik_Kyrgyzstan_KG

1.6k 0 0 18

Sputnik Кыргызстан — негизги жаңылыктар

23 May, 07:48

Кечээ Кыргызстанда бөйрөк алмаштыруу боюнча 71инчи операция жасалды. Бул бюджеттин эсебинен каржыланган 29унчу операция экенин Эне жана баланы коргоо борборунан кабарлашты.

Эске салсак, өлкөдө бөйрөк алмаштыруу боюнча алгачкы акысыз операция былтыр жыл башында болгон. Саламаттык сактоо министрлиги 2024-жылы 20дан ашуун адамдын бөйрөгү акысыз алмаштырылып, 2025-жылга 50 акысыз операция пландалганын билдирген.

@Sputnik_Kyrgyzstan_KG

1.6k 0 0 23

Sputnik Кыргызстан — негизги жаңылыктар

23 May, 07:28

❗️Шашылыш билдирүү

Жакынкы 3 саат ичинде Бишкек менен Чүйдө добул болуп, ылдамдыгы секундасына 17-22 метрге жеткен катуу шамал болору күтүлүүдө. Сак болуңуз.

@Sputnik_Kyrgyzstan_KG