Рисале-и Нур (кыргызча)

📜Aziz, mübarek kardeşlerim!
Pek çok selâm… Bizim memlekette eskide arefe gününde bin İhlas‑ı Şerif okurduk. Ben şimdi bir gün evvel beş yüz ve arefede dahi beş yüz okuyabilirim. Kendine güvenen, birden okuyabilir. Ben gerçi sizleri göremiyorum ve hususi her birinizle görüşmüyorum fakat ben ekser vakitler, dua içinde her birinizle bazen ismiyle sohbet ederim.

🔹Көп салам айтам туугандарым …

Биздин жерибизде мурун Арафа күнүндө миң жолу Ихлас сүрөсүн окучу элек. Азыр мен бир күн мурун 500 жолу, андан кийин Арафа күнүндө дагы 500 жолу окуй алам. Өзүнө ишенген адам кааласа, ошол миң сүрөнү бир күндө толук окуй алат. Мен азыр силерди көз менен көрбөйм, ар бириңер менен өзүнчө жолугуша албайм, бирок көп учурда дуба кылып, ар бириңерди эстеп, кээде аты-жөнүңөр менен сүйлөшөм.”

RN-Şualar/303


🔸 @risaleinur_kg

Оо, туугандарым!
Маанилүү жана чоң сооптуу иштердин көптөгөн зыяндуу тоскоолдуктары болот. Мындай кызматты жүргүзгөндөргө шайтандар көп тоскоол болушат. Ушундай тоскоолдуктар менен шайтандарга каршы турууда ихлас күчүнө таянуу керек. Ихласты кетирүүчү себептерден жыландан, чаяндан качкандай алыс тургула! Азирети Юсуф алейхиссалам:

اِنَّ النَّفْسَ لَاَمَّارَةٌ بِالسُّوءِ اِلاَّ مَا رَحِمَ رَبِّى

деп айткандай, нафси аммарага ишенүүгө болбойт. Жаман нафс менен өзүмчүлдүккө алданып калбагыла.

(21.Lem'a)

Эй, нафсим!

«Заман өзгөргөн, доор да алмашкан, баары дүнүйөгө баш-оту менен кирип, жашоого ашык болуп, тиричилик дарты менен мас болуп жүрүшөт»

деп айтпагын. Анткен менен, өлүм өзгөрбөй жатат. Айрылуу түбөлүктүүлүк менен орун алмашкан жок. Адамзаттын алсыздыгы, инсандын муктаждыгы азайбастан, кайра көбөйүүдө. Адамзаттын сапары токтобостон, кайра тездеп баратат. Анан «Мен да башкалардай элемин» деп айтпагын. Себеби башкалар сага кабырдын оозуна чейин гана дос боло алышат. Баарыбыз кыйынчылыкта бирге болобуз деген сооротуу кабырдын тиги тарабында таптакыр негизсиз.

Өзүңдү көзөмөлсүз, ээн башмын деп да ойлобо! Адегенде ушул конок жайы сыяктанган дүйнөгө хикмат назары менен карасаң тартипсиз жана максатсыз эч бир нерсени көрө албайсың. Анан кантип сен тартипсиз, максатсыз болуп калышың мүмкүн? Атүгүл жер титирөө сыяктуу табияттагы кубулуштар да кокустуктун оюнчугу эмес.

(14.Söz'ün zeyli)

Эң бактылуу инсан – бул, дүйнө үчүн акыретин унутпаган, акыретин дүйнөгө курман кылбаган, түбөлүктүү жашоосун убактылуу жашоону деп бузбаган, керексиз нерселер менен өмүрүн өткөрбөгөн; өзүн конок деп эсептеп мейманкана ээсинин буйруктарына жараша жашаган жана сак-саламат кабырдын эшигин ачып түбөлүктүү бактылуулук жайына кирген киши.

(Mektubat, 5.mesele)

Эй нафсим!
Эгер бул дүйнөлүк жашоону гана көздөп, дүйнө үчүн эмгектенсең, анда кичинекей таранчылардын бири сымал болосуң. Эгер акыреттик жашоону максат кылып, бул жашоону акыретке каражат иретинде колдонсоң, эгин талаа кылсаң жана ага жараша аракеттенсең, анда айбанаттардын эң улуу командирине айланасың. Бул дүйнөдө Жанаб-ы Хактын эрке, дубакөй кулу жана кадырман, сыйлуу коногу болосуң.

Мына сага эки жол, каалаганыңды танда. Хидаят (туура жол) менен көмөктү Архамур-раахиминден сура.

(Sözler, 5.Söz)

Кимде ким күч-кайратын элине жумшаса, анда ал жалгыз өзү бир эл сыяктуу барктуу. Кээ бирлерибиздин кайдигерлигинен жана чет элдиктердин жаман кулк-мүнөздөрүн алуудан улам биз мусулмандар, «өзүм, өзүм» - деп жатып күчтүү жана куттуу исламияттын пайдасын ойлобой калдык. Жеке кызыкчылыкты ойлоп отуруп, миң адамдын бир адамдай баркы болбой калды.

مَنْ كَانَ هِمَّتُهُ نَفْسُهُ فَلَيْسَ مِنَ اْلاِنْسَانِ

لِاَنَّهُ مَدَنِىٌّ بِالطَّبْعِ

б.а. кимде ким бүт кайратын өзү үчүн гана жумшаса, анда ал адам эмес. Себеби адам табияты маданий болгондуктан башка инсандарды да ойлоого мажбур. Жеке жашоосу коомдук жашоо менен гана уланат.

Мисалы: Бир адам нан жеш үчүн канчалаган адамдардын жардамына муктаж. Жеген наны үчүн баарына ырахмат айтуусу керек. Ошондой эле кийген кийими аркылуу канчалаган фабрикалар менен байланышта экенин салыштырып көргүлө.

Адам баласы айбан сыяктуу бир жүндүү тери менен жашай албайт. Башкалар менен жаратылышынан байланышы бар. Ошондой эле аларга руханий бир акы берүүгө (ыразылык билдирүүгө) мажбур. Ошондуктан табиятынан маданияттуу.

Бир гана өзүнүн жеке кызыкчылыгын максат кылып жашаган адам адамгерчиликтен чыгат. Жырткыч бир айбанга айланат. Колунан бир нерсе келбей чыныгы үзүрү болсо, ал башка маселе.

(Hutbe-yi Şamiye, 5.Kelime)

Эй, нафс!

Кечээки күн сенин колуңдан чыкты, муну билгин. Эртеңки күнгө ээ болгудай колуңда кепилдик жок. Андыктан, жашап жаткан күнүңдү чыныгы өмүрүм деп бил. Жок дегенде, күнүмдүк өмүрүңдүн бир саатын сактык акчасы катары чыныгы келечек үчүн жасалган, акыреттин сандыкчасы болгон мечитке же жайнамазга сал.

Ошондой эле, ар бир жаңырган күн сага да, башкаларга да жаңы бир ааламдын эшигин ачарын бил. Эгер намаз окубасаң, анда ошол күнкү ааламың караңгы, дайынсыз абалда өтөт. Мисал ааламында сага каршы күбөлүк берет. Анткени, бул ааламдын ар бир күнүндө ар кимдин өзүнө таандык бир ааламы бар. Ошол ааламдын жагдайы, ал адамдын жүрөгүнө жана амалына көз каранды.

Мисалы, күзгүдө көрүнгөн кооз сарай, күзгүңүн өңүнө жараша өзгөрөт. Кара болсо кара, кызыл болсо кызыл көрүнөт. Анан, күзгүнүн сапатына да карайт. Күзгүнүн бети тегиз болсо сарайды сонун кылып, тегиз болбосо, жагымсыз кылып көрсөтөт. Эң назик нерселерди одоно кылып көрсөткөндөй, сен да жүрөгүң, акылың, амалың жана көңүлүң менен өз ааламыңдын көрүнүшүн өзгөртөсүң. Же пайдаңа же зыяныңа күбөлүк бердире аласың.

Эгер намаз окусаң жана ошол намазың менен ааламдын Сани-и Зулжалалына жүздөнсөң, анда заматта сага караштуу аалам нурданат. Кудум эле, намазың электр лампасы, ал эми, намазга кылган ниетиң анын баскычына баскандай ошол ааламдын караңгылыгын таратат. Дүйнөдөгү баш аламандыктардын ичиндеги өзгөрүүлөр менен кыймылдар, акылмандуу тартип жана маанилүү кудурет жазуусу экенин көрсөтөт. اَللّٰهُ نُورُالسَّمٰوَاتِوَاْلاَرْضِ деген аяттын нурларынан бир нурду сенин жүрөгүңө чачат. Сенин ошол күнкү ааламыңды ал нурдун чагылуусу менен жарытат. Сенин пайдаңа нурдуулук менен күбөлүк бердирет.

Абайла, «Менин намазым каякта, намаздын бул акыйкаты каякта?» дебегин. Себеби, бир курманын уругу, курма дарагындай эле өз дарагынын сыпаттарын билдире алат. Айырма, болгону кыскача жана кенен түшүндүрүүдө. Бул сыңары, сени менен мен сыяктуу карапайым адамдын (сезбесе да) намазынын, чоң олуянын намазындай ошол нурдан бир үлүшү бар. Айтылган акыйкаттан бир сыры бар (акылың муну аңдап билбесе да). Бирок, даражага жараша билинүүсү жана нурдануусу башка-башка болот.

Айталы, бир курма дарагынын уругунан тартып, тээ толук жетилген курма дарагына чейин көптөгөн мартабалар бар. Ошондой эле, намаздын даражаларында, андан да көбүрөөк мартабалар бар. Бирок, ал нурдуу акыйкаттардын негиздери бардык ошол мартабаларда камтылган.

اَللّٰهُمَّ صَلِّ وَسَلِّمْ عَلَى مَنْ قَالَ اَلصَّلاَةُ عِمَادُ الدِّينِ وَعَلَى آلِهِ وَصَحْبِهِ اَجْمَعِينَ

(21.Söz, 5.Ikaz)

ЖЫЙЫРМА БЕШИНЧИ ДАБА

Оо, ооруган бир туугандарым!

Силер абдан пайдалуу, баардык дартка даба боло турган чыныгы касиеттүү дарыны кааласаңар, анда ыйманыңарды өркүндөткүлө. Тагыраак айтканда, тообо-истигфар, намаз жана ибадат аркылуу ошол ыйман деген ыйык дарыны колдонгула.

Ырас, дүйнөгө ашык болуп байланган кайдигер адамдардын дүйнөдөй чоң, оорулуу руханий денеси бар. Ыйман – ошол дүйнөдөй чоң айрылуу, өлүү соккулары менен жараланган руханий денени заматта айыктырат. Жараттарын толук бүтүрүп, чыныгы шыпаа берет. Муну көптөгөн рисалелерде ачык далилдегенбиз. Башыңарды оорутпоо үчүн кыскартабыз.

Ыйман дарысы парздарды мүмкүн болушунча, толук аткарганда таасирин көрсөтөт. Кайдигерлик, күнөөлөр, нафстин жаман каалоолору жана шариятка терс көңүл ачуулар – ал дарынын таасирин жоготот.

Оору, кайдигерликтен ойготот. Табитти, кумарды жоготот. Шарияттан сырткаркы ырахаттарга бөгөт болот. Мындан пайдалангыла. Тообо-истигфар, дуба жана жалбаруу аркылуу чыныгы ыймандын ыйык дарылары менен нурларын колдонгула.

Аллах сиздерге шыпаа берсин, ооруңарды каффаратуз-зунуб (күнөөңөрдүн кечирилишине себеп) кылсын.

Оомиин, оомиин, оомиин!

اَلْحَمْدُ لِلّٰهِ الَّذِى هَدَينَا لِهذَا وَمَا كُنَّا لِنَهْتَدِىَ لَوْلاَ اَنْ هَدَينَا اللّٰهُ لَقَدْ جَاءَتْ رُسُلُ رَبِّنَا بِالْحَقِّ

سُبْحَانَكَ لاَ عِلْمَ لَنَا اِلاَّ مَا عَلَّمْتَنَا اِنَّكَ اَنْتَ الْعَلِيمُ الْحَكِيمُ

اَللّٰهُمَّ صَلِّ عَلَى سَيِّدِنَا مُحَمَّدٍ طِبِّ الْقُلُوبِ وَ دَوَائِهَا وَ عَافِيَةِ اْلاَبْدَانِ وَ شِفَائِهَا وَ نُورِ اْلاَبْصَارِ وَ ضِيَائِهَا وَ عَلَى آلِهِ وَ صَحْبِهِ وَ سَلِّمْ

(25.Lem'a, 25.deva)