Хафиза кыз 🫀)

Бул посттум 30❤️ алса Ин Шаа Аллах дагы бир медресе тууралу малымат жүктөйм 🙃)

БИШКЕК КЫЗ КУРАН КУРСУ

🕌 Ар бир кыз — коомдун келечеги, үй-бүлөнүн деги. Ыйман, адеп, илим менен куралданган кыз – элдин куту!
Бишкек Кыз Куран Курсу ыймандуу, билимдүү, сабаттуу кыз-келиндерди тарбиялоону улантууда.

📖 2015-жылдан бери миңдеген окуучу билим алып, 50дөн ашык хафизалар Куранды толук жаттап, динге, элге кызмат кылып келишет.

📚 ОКУУ БАГЫТЫ – ИЛИМ, АДЕП ЖАНА ЖАШАООБУЗГА ПАЙДАЛУУ САБАКТАР:

1-ЖЫЛ:

• Куран жаттоо, тажвид
• Арап тили
• Акыйда, Фикх, Сиро
• Адеп-ахлак, Хадис, Даават
• Кыргыз тили жана тарыхы
• Кол өнөр, кулинария, информатика, медицина

2-ЖЫЛ:

• Хадис жана тафсир усулу, шарх.
• Ислам тарыхы, махзаптар
• Тасаввуф, информатика, кулинария

📍Жакшы окуган кыздар 3-жылдык "Арап тили академиясына" өтүү мүмкүнчүлүгүнө ээ болушат!

🏡 ЖАТАКАНА ЖАНА ОКУУ ШАРТТАРЫ:

• 200 орундуу таза жана жайлуу жатакана
• 13 маал ысык тамак
• Намазкана, китепкана, компьютердик класс
• Волейбол аянтчасы
• Апалар үчүн 2 сааттык күндүзгү окуу курстары

📌 25 жашка чейинки кыздар – жатаканада окуй алышат,
25 - 35 жашка чейинки айымдар - күндүзгү окууга каттала алышат.

📝 КЕРЕКТҮҮ ДОКУМЕНТТЕР:

• Аттестат же диплом көчүрмөсү
• Паспорт же күбөлүк көчүрмөсү
• 3x4 сүрөт (2 даана)
• Медициналык справкалар (086/У, флюорография, 063)
• Жашаган жерден маалым кат
• Үй-бүлөлүк маалым кат
• Психиатрдан маалым кат
• Арыз

КАБЫЛ АЛУУ ҮЧҮН ЭКЗАМЕН ЖҮРГҮЗҮЛӨТ

📚 Сабактар: кыргыз тили, адабияты, география, Кыргызстан тарыхы
(кыргыз же орус тилинде)

📍 Бишкек ш. Репина көч.200Б
📱 Instagram: @bishkek_kyz_kuran_kursu

Ий баса❗️Бишкек Кыз Куран курсунун филиалдары да бар , ал жакта бир айлык курсата окуп илим алсаңыз да болот .

Instagram:⤵️
• @aruuzat_kuran_kursu
• @gulzarokuuborboru

"Кызды тарбиялоо – элди тарбиялоо"
Бүгүнкү жарык кадам – эртеңки нурлуу коом!

Курбан айтта админканын маанайы көтөрүлүп калсын деп ❤️ басып койсоңуздар боло🙈!? )

Кыйынбы☹️?

КУРМАН АЙТ МААРЕК БОЛСУН!

Ассаламу алейкум ва рохматуллохи ва баракатух!

Урматтуу "Хафиза кыз"- каналынын окурмандары ! Сиздерди Курман айт майрамы менен чын жүрөктөн куттуктайбыз!

Аллах Таалам Курман Айттагы ар бир амалдарыбызды, курмандыктарыбызды, дубаларыбызды жана ниеттерибизди кабыл кылган болсун!

Курмандыкты – ниет менен,
Жакшылыкты – жүрөк менен,
Дубаны – ыйман менен кылалы!

Урматым менен админка 🫀

Реакция баспайм деп чечтиңиздерби?
Майли , анда мен да жазбайм хмм! 😐)

Байкадыңыздарбы
реакция кымбаттап кетиптирго🤔?)

Расул Акрам медресеси – Илим менен ыймандын жол башчысы

Эгер сен ыймандуу, адептүү жана пайдалуу инсан болууну кааласаң, анда Расул Акрам медресеси дал ошол издеп жүргөн жериң. Бул медресе жаш муунга ислам динин терең жана туура үйрөткөн, жүрөккө да, акылга да билим сиңирген өзгөчө жай.

Эмне үйрөтүлөт?

Медреседе сабактар жөн гана теория эмес — жүрөк менен түшүнүп, турмушта колдонууга ылайык үйрөтүлөт:

• Араб тили – Ислам илиминин ачкычы.
• Куран жана тажвид – Жараткандын сөзүн туура окуп, жаттап, түшүнүп үйрөнөсүң.
• Хадис – Пайгамбарыбыздын (с.а.в) акыл-насааттары менен жашооңду кооздойсуң.
• Фыкх – Ар күнкү жашооңдо туура чечим чыгарууну үйрөтөт.
• Тафсир жана Сира – Куран аяттарын жана Пайгамбарыбыздын өмүрүн терең түшүнөсүң.
• Акыйда жана адеп – Туура ишеним жана жакшылык менен жашоону калыптандырат.

Медресенин өзгөчөлүгү

Бул жерде билим менен катар тарбия биринчи орунда. Ар бир окуучу ыймандуу, сылык, сабырдуу, адептүү жана коомго пайдалуу инсан болуп тарбияланат. Устаздар өз ишине берилген, сабырдуу жана тажрыйбалуу. Алар окуучуга мугалим эмес, ата-эне мээрими менен мамиле кылышат.

Шарттар кандай?

• Жатаканалар таза, жылуу жана ыңгайлуу.
• Ашканада тамактар даамдуу жана санитардык эрежелерге жооп берет
• Китепканада бардык керектүү диний жана дүйнөлүк адабияттар бар
• Намазкана, медпункт, эс алуу бурчтары – баары каралган.

Кошумча мүмкүнчүлүктөр

Расул Акрам медресеси турмуштук көндүмдөргө да көңүл бурат. Балдар үчүн – айдоочулук күбөлүк, техникага байланышкан практикалар каралган.

Ий баса! Институтта кыз-келиндер үчүн өзүнчө бөлүм иштейт, анда 16 жаштан жогорку айымдар үчүн диний билим берүү программалары сунушталат. Бул бөлүмдө ошондой эле бала бакча жана кол өнөрчүлүк сабактары да уюштурулган .

Кабыл алуу

• Жашка чектөө жок.
• 9 же 11-класстын аттестаты менен тапшырууга болот.
• 9-классты бүткөндөр кошумча окуу менен 11-класстын аттестатын алышат.

Окуу мөөнөтү – 1 жыл дайардоо курсу жүрөт , жалпысынан 5 жыл

Расул Акрам медресеси – бул жөн гана окуу жай эмес, бул – жүрөктү жибиткен, акылды ойготкон, келечекти жарык кылган билим мекени. Эгер сен да динди туура түшүнүп, өмүр бою пайдасын бере турган илимге ээ болууну кааласаң — дал ушул жерден башта!

Хазрети Осмон Ислам Институту

Хазрети Осмон Ислам Институту — бул жөн эле медресе эмес, менин руханий жана инсандык өсүшүмө жол ачкан ыйык жай. Мен бул жерде 2 жыл билим алдым. Бул убакыт аралыгында мен билимден сырткары, сабырдуулукту, адептүүлүктү, жоопкерчиликти үйрөндүм. Устаздардын мээрими, курсташтардын колдоосу, илимдин берекеси мага чоң дем болду. Ошол себептен, бул медресе тууралуу өзүм күбө болгон жакшы жактарын бөлүшкүм келет.
Илимге сугарылган, ыйманга багытталган институт.

Хазрети Осмон медресесинде сабактар терең жана кеңири окутулат. Бул жерде ислам илимдеринин негизги багыттары боюнча билим берилет:

• Фикх– ибадат жана күнүмдүк жашоодо шарияттын колдонулушу.
• Акыйда – туура ишеним жана Аллахты таануу.
• Тафсир – Куран аяттарынын маанисин түшүнүү.
• Хадис– Пайгамбарыбыздын (с.а.в) сөздөрүн үйрөнүү.
• Сира– Пайгамбарыбыздын (с.а.в) өмүр таржымалы.
• Арап тили – ислам илиминин ачкычы болгон тил.
• Ислам тарыхы – үммөттүн өткөнүнөн сабак алуу.
• Чыгатай түрк тили– маданий мурасты өздөштүрүү.

Медреседе окуучулар үчүн бардык шарттар каралган:

• Ыңгайлуу жана таза жатаканалар
• Тамак-ашы даамдуу жана санитардык эрежелерге жооп берет.
• Китепкана ар түрдүү исламий жана дүйнөлүк адабияттар менен камсыздалган.
• Медпункт жана гигиеналык шарттар.
• Окуу жана эс алуу үчүн атайын уюштурулган убакыттар (каникулдар).

Кошумча мүмкүнчүлүктөр:

_Бул медресе диний билим менен катар кесиптик көндүмдөрдү да берет:

Кыздар үчүн: ашпозчулук, тигүү, кол өнөрчүлүк.

Балдар үчүн: сантехник, автомеханик, айдоочулук күбөлүк алуу мүмкүнчүлүгү (2 жылдан кийин).

Кабыл алуу шарттары:

• Жаш чектөөсү жок
• 9 же 11-класстын аттестаты менен тапшырууга болот
• 9-классты бүткөндөр 2 курстан кийин 11-класстын аттестатын ала алышат.
• Окуу мөөнөтү: 2 жылдан 4 жылга чейин.

Хазрети Осмон Ислам Институту — бул мени тарбиялап, өзгөрткөн жай. Эгер силер да ыймандуу, илимдүү болууну кааласаңар, мына ушул медресе силерди күтүүдө. Бул жерде жөн гана окуу эмес, чыныгы турмушка даярдык жүрөт. Мен өз тажрыйбам менен айтып коёюн — бул чечимден эч качан өкүнбөйсүз!

Медреседе окуйм деп ниеттенген бир туугандар болсо ❤️ баса кетебиз)

Ассаламу алейкум ва рохматуллохи ва баракатух!

Кандайсыздар, кымбаттуу "Хафиза кыз" каналынын окурман ухтилери?

Сиздерге бир кубанычтуу жаңылыгым бар!

Каналыбыздагы көпчүлүк катталуучулар — илимге умтулган, жолукчан, Хафиз болууга кызыккан кыздар болгондуктан, көптөрү:
“Сиз кайсы медреседе окуйсуз?”,
“Кайсы медресеге тапшырсак болот?”,
“Документтер кандай талап кылынат?” — деген сыяктуу суроолорду көп беришет.

Ошондуктан, Ин Шаа Аллах, Кыргызстандагы эже - сиңдилерге арналган медреселер тууралуу пайдалуу маалыматтарды бөлүшүп баштайм.

Айрым медреселерде Хафизалык багыт бар, айрымдарында болсо Шарият илимдери терең окутулат. Кээ бир медреселер эки багытты тең камтып, Куран жаттоо менен катар фикх, тафсир, хадис жана башка сабактарды да үйрөтүшөт.

Бул посттор аркылуу төмөнкү суроолорго жооп берүүгө аракет кылам:

• Медресеге кантип тапшырса болот?
• Кандай документтер керек?
• Жатакана каралганбы?
• Окуу акысы кандай?
• Окуу качан башталат?

Мындан тышкары, кээ бир балдар медреселери жөнүндө да маалымат бермекчимин. Себеби араңыздарда ага-иниси же уулу медресеге тапшырууну каалагандар бардыр.

Алдыдагы постторду өткөрүп жибербеңиз — пайдалуу жана кызыктуу маалыматтар көп болот, иншаа Аллах!

Кайсы багыттагы медресе тууралуу маалымат алгыңыз келет: Хафизалыкпы же Шарият илимдери боюнчабы?

❤️ басыңыз деп айтмайынча баспайт экенсиздер да ээ ....?🙁

Майли 🥲

📌 Урматтуу эже - сиңдим, өзүңдү сакта !"

Алхамдулиллах, Аллах Таала бизди эң көркөм формада жаратты. Аялдын жүзү да, денеси да — бул бизге берилген аманат. Бул аманатты сактоо — биз үчүн чоң жоопкерчилик.

Караңыз Аллах Таала бизге эмне буюрганын :
- "Момун аялдар өз көздөрүн төмөн салып, ар намыстарын сакташсын жана өз кооздуктарын (чоочундарга) көрсөтүшпөсүн..."
{Нур сүрөсү, 31-аят}

Бул аятта аялзатка так жана ачык буйрук берилген: жүзүн жана денесин чоочун эркектерден жаап, абийирин сактоо керектигин.

Социалдык тармактар — бүгүнкү күндүн чоң сынагы. Өзгөчө аялдар үчүн, сүрөттөрүн, жүздөрүн, денелерин элге көрсөтүү — коркунучтуу фитнага айланып калды.

Бул туурасында Пайгамбарыбыз Мухаммад (с.а.в) дагы мындай эскерткен:
-"Тозок элинин эки түрүн көрдүм: ... кийинип алган, бирок жылаңач көрүнгөн аялдар..."
{Муслим риваяты}

Оо Эже-синдим!
Соц тармактарга лайктар, мактоолор — бул убактылуу алдамчы сезимдер болушу мумкун. Бирок жүзүңдү жана денеңди Аллах үчүн сактоо — сага эки дүйнө бактылуук алып келет.

Оо, Эже - сиңдим! Сенин жүзүң — нур. Сенин денең — баалуулук. Аны ар кимдин көзүнө жайбоо — бул өзүн-өзү урматтоо жана Аллахтын ыраазылыгын издөөнүн белгиси.

Пайгамбарыбыз (с.а.в) бизге мындай насаат айткан:
"Дүйнө — убактылуу жыргал, ал эми дүйнөнүн эң жакшы байлыгы — жакшы аял."
{Муслим риваяты}

Жакшы аял — бул Аллахтын буйругун аткарган, жүзүн жана денесин сактаган аял.

Оо, Эже-карындашым! Эстеп жүр:

• Өз жүзүңдү жана денеңди чоочун көздөрдөн корго!

• Социалдык тармактарда өзүңдү жана абийириңди сакта!

• Ар бир кадамыңды Аллах үчүн жаса!

Дүйнө өтөт. Сүрөттөр унутулат. Бирок Аллах үчүн сакталган ар намыс түбөлүк калат!

Урматым менен админка!

📌Жолукту кандай кийиш керек❓

• Чач чыккан жерден баштап ээгине чейин жаап турушу керек:
Жоолук кыздын чачы чыккан чекесинен тартып, кулагын, моюнун жана ээкитин (жөөкөсүн) толук жаап турушу шарт. Чачтын бир талын да көрсөтпөш керек.

• Жоолук калың болушу керек:
Ичиндеги чач же териси көрүнбөшү үчүн жоолук жука эмес, тыгыз матадан болушу керек.

• Жоолук жөнөкөй жана сылык болушу керек:
Көзгө өтө уруна турган кооздук менен эмес, сабырдуу жана тынч түстөгү жоолук салынышы туура болот.

• Жакшы бекитилген болушу керек:
Жоолук абайлап салынып, жүргөндө түшүп кетпей тургандай болуп бекем болушу керек.

• Көкүрөк жагын да жаап турушу керек:
Жоолук көкүрөк тарабын да жаап, аялдын өзгөчөлүктөрүн көрсөтпөй тургандай болушу керек.

• Аллах үчүн кийүү керек:
Жоолукту адамдар көрсүн же мактасын деп эмес, жалгыз Аллахтын ыраазычылыгы үчүн салыш керек.

✍🏻: Хафиза кыз 🫀)

📌 Жолугум — менин тажым 👑

Жоолук — бул менин башымдагы таажымдай кымбат нерсе. Ал мага кооздук, ар-намыс жана коргоо тартуулайт. Мен жоолукту жөн эле кийген жокмун, Аллахтын буйругун аткаруу үчүн, Анын ыраазычылыгын табуу үчүн салындым.

Аллах Таала Куранда мындай деген:
"Эй Пайгамбар! Өз аялдарыңа, кыздарыңа жана момун аялдарга айт: Үстүлөрүнө жамынсын. Бул алардын таанылышы жана кордук көрбөшү үчүн эң жакшы." (Ахзаб сүрөөсү, 59-аят)

Бул аят мага түшүндүрөт: жоолук менин коргоочум, улуулугум жана сыймыгым. Жоолугум менен мен өзүмдү кордонуудан, жаман көздөрдөн сактайм. Жоолугум мага токтоолук, сабыр жана тынчтык тартуулайт.

Жоолук — менин тажым. Таажы падышалардын башында болот, улуулукту билдирет. Ошол сыяктуу эле, менин жоолугум да менин башымды ыйыктап, мени Аллахтын алдында кадырлуу кылат.

Пайгамбарыбыз Мухаммад (с.а.в.) мындай деген:
"Дүйнө толтура байлык менен кооздолгон, бирок дүйнөдөгү эң жакшы байлык — ыймандуу аял." (Муслим риваяты)

Ыймандуу аялдын белгиси — Аллахтын буйругун угуп, жоолугун салганында.
Жоолук мени башка аялдардан бөлүп турат — менин жүзүмдү эмес, ыйманымды көрсөтөт. Мен жоолугум менен өзүмдү улук тутам, анткени мен кимге баш ийип, ким үчүн жашап жатканымды билем.

Жоолук мени күнөөдөн коргоп, Аллахтын ырайымына жол ачат. Ал мени шайтандын азгырыгынан, бөтөн эркектердин көз карашынан сактайт. Ал мага акыретте бейишке жетүүгө себеп болот.

Ушул жазманы окуган ар бир айым, мен жазган менен келишет деген ойдомун ❤️