"Ырыс алды - ынтымак,
Ынтымагың жок болсо
Алдыңдан таяр алтын так"

"Жакшы чыккан азамат
Элин билет,

Элин билген ал адам
Билим билет,

Эчен түрдүү адамдын
Тилин билет.

Чыгып турган ал адам
Чынар болот,

Чымчык сайрап, чынарга
Булбул конот,

Түбү жоон тамырлуу
Терек болот,

Көлөкөсү көп жанга
Керек болот,

Ошол адам ойлосоң
Кимден чыгат?

Ушул турган калайык
Элден чыгат"

"Акыр заман"
@Калыгул