Sputnik Кыргызстан — негизги жаңылыктар

🇰🇬 Кыргызстан Борбор Азиядан аймак ичине чет элдик түз инвестицияларды тартуу боюнча коңшуларынан алдыда турат

Бул туурасында Евразиялык өнүктүрүү банкынын маалыматында айтылган.

Мындай инвестициялардын жалпы көлөмүнүн 49 пайызы Кыргызстанга туура келет. Өлкө экономикасына эң көп инвестиция салган — Казакстан. Түз тартылган тышкы инвестициялардын 92%ы ( 374 млн. доллар) ушул өлкөгө туура келет.
Калган 8 пайызы ( 32 млн. доллар) Өзбекстанга тиешелүү. Ал Кыргызстандын экономикасына инвестицияны 2023-жылдан тартып активдүү сала баштаган.

Борбор Азиядан акыркы жылдары тартылган ири каражаттарды санай келсек:
Ысык-Көлдөгү күн электр станциясы (инвестор — Казакстан)
Кара-Балтадагы текстиль заводу (инвестор — Өзбекстан).
Мындан башка дагы бир топ финансылык уюмдарды сатып алууда Казакстан акча салган.

@Sputnik_Kyrgyzstan_KG

ИИМ юридикалык жактардын унааларынын техникалык кароосун мамлекеттик ишканага берүүнү сунуштоодо

Токтом долбоору коомдук талкууга чыгарылды. Анда жеке диагностикалык борборлор киреше табууга басым жасап, коопсуздук, экологиялык талаптарга жетиштүү көңүл бурбай жатканы айтылган. Мындан улам ал функцияны Техникалык багыттагы борборго (ТББ) этап-этабы менен өткөрүү максатталууда.

Өткөрүү графиги:

▪️1-июндан — мамлекеттик жана жергиликтүү өз алдынча башкаруу органдарынын, ишканалардын унаалары
▪️1-августтан — жүргүнчү, жүк жана кооптуу жүк ташуучу унаалар (анын ичинде такси)
▪️1-октябрдан — атайын жана адистештирилген унаалар

Былтыр транспорт каражаттарын милдеттүү техникалык кароодон өткөрүү өнөктүгүн кайтаруу сунушталган. Ал тургай аны киргизүүнүн жол картасы иштелип чыккан чыккан. Бирок кийин президент Садыр Жапаров буга каршы чыгып, коррупциялык тобокелдиктерге жол ачылышы ыктымал экенин айткан.

@Sputnik_Kyrgyzstan_KG

Садыр Жапаров эртең Казакстанга барат. Президент ал жакта өтө турган "Борбор Азия — Италия" саммитине катышары айтылды.

Иш-чарада Борбор Азия мамлекеттери менен Италиянын кызматташтыгы талкууланат.

@Sputnik_Kyrgyzstan_KG

🇰🇬🇰🇿Товарлар арзандайбы? Казакстан өзүнүн темир жолу аркылуу Кыргызстанга жүк ташуунун баасын төмөндөттү

Апрелде "Кыргыз темир жолу" жана "Казакстан темир жолу" ишканаларынын жетекчилери жолуккан.

Анда тараптар 8-июндан тарта дан азыктарын ташуунун баасы 55 пайызга, мунай 20, жүктөрдүн башка түрлөрү 50 пайызга чейин төмөндөй турганын макулдашкан.

@Sputnik_Kyrgyzstan_KG

🇰🇬 Жер шарын айланган учкучтар биринчи жолу Кыргызстанда чогулат

Дүйнөгө таанымал 45 учкуч 1-июндан тарта Ысык-Көлдө чогуларын Учкучтар менен авиаторлордун кыргыз ассоциациялык бирикмесинин төрагасы Союзбек Салиев бизге билдирди.

Катышуучулардын арасында өзүнүн тик учактары менен келе тургандар да бар. Жолугушууга АКШ, Улуу Британия, Аргентина, Жаңы Гвинея, Швейцария, Германия, Испания, Россия жана Австриядан жер шарын айланып чыккан учкучтар катышат.

“Пилоттор 2 жылда бир чогулуп, маалымат алмашып турат. Алар быйыл Кыргызстанда алгачкы жолу жолугат. Жолугушчу жерге Кыргызстанды 3 жыл мурун көрсөтүп, арыз жазып, 3 өлкөнүн ичинен утуп алганбыз”, — деди Салиев.

Кыргызстандык Союзбек Салиев — Борбор Азия өлкөлөрүнөн жерди айланып чыккан жалгыз учкуч.

@Sputnik_Kyrgyzstan_KG

Минкаб төрагасы аскер кызматкерлерин Куралдуу күчтөрдүн күнү менен куттуктады

▪️Алдыда эгемен өлкөнү, эл-журтубуздун ынтымагы менен жетишилген жеңиштерди сактап калуу милдети турат

▪️Баткен окуялары жаш армиябыз үчүн биринчи согуштук сыноо, мамлекетибиздин такшалышына, бекемделишине жана өз эгемендүүлүгүн сактап калуусунда чоң сыноо болгон. Анда кыргыз армиясынын эр жүрөк жоокерлери Мекенди коргоо деген ыйык милдетти татыктуу аткарышкан

▪️Өлкөбүздүн бүтүндүгү менен элибиздин бакубат турмушу үчүн өмүрүн берген эр-азаматтарыбыздын бирин дагы унутууга акыбыз жок

▪️Аскерлерибиз мындан туура 80 жыл мурда Улуу Ата Мекендик согушта Улуу Жеңишти камсыз кылган ата-бабалардын татыктуу урпактары

▪️Кыргызстан – аскердик саясатын өзүн-өзү коргоо принциптеринде жүргүзгөн, тынчтыкты сүйгөн өлкө

Адылбек Касымалиев генерал, офицер жана жоокерлерге бекем ден соолук, кажыбас кайрат-күч, бакубат турмуш каалаган.

@Sputnik_Kyrgyzstan_KG

❗️Саламаттык сактоо министрлиги былтыр ВИЧ инфекциясын жуктурган бөбөк катталганын тастыктады. Окуя тууралуу кечээ депутат айткан соң маалым болгон.

Бул боюнча 12 адистен турган комиссия түзүлүп, министрлик төмөнкүлөрдү билдирди:

▪️Бала 2020-жылы күйүк алып, дарыгерлерге кайрылган. Андан кийин 4,5 жылдан бери ар кайсы ооруканаларга кайрылып келген. ВИЧ инфекциясын жуктуруп алганы 2024-жылы аныкталган

▪️Медициналык документтер, бала барган ооруканаларда колдонулчу каражаттар текшерилген. Бөбөк менен байланышта болгон 600 адам текшерилип, ВИЧ эч кимден чыккан эмес

▪️Тилекке каршы, 2020-жылы бөбөк менен кошо дарыланган 5 бала пандемия маалында чарчап калгандыктан аларды текшерүүгө мүмкүн болгон эмес. Ошол эле маалда ВИЧти көзөмөлдөө боюнча республикалык борбордо алардын маалыматы жок

▪️Комиссия ВИЧ инфекциясы бөбөккө ийне сайган маалда дагы жугуп калышы мүмкүн деген божомолду койду

▪️Бөбөк учурда дарыгерлердин көзөмөлүндө дарыланып жатат, абалы канааттандыраарлык

@Sputnik_Kyrgyzstan_KG

🇰🇬 Республиканын чек арасы 50 чакырымды көрсөткөн камера жана дрондор менен кайтарылат

Азыр жабдуулар Чүй менен Баткенде сыналып жатканын Чек ара кызматынын өкүлү Сапарбек Токтосунов билдирди. Анын айтымында, аппараттар жакында өлкөнүн бардык чегине орнотулат.

Учурда коңшу мамлекеттер менен чектеш жерлер 3D сеткалар, тоолуу аймактар тикенек зым менен тосулууда. Буга быйыл 600 млн сом бөлүнгөн.

@Sputnik_Kyrgyzstan_KG